ليه ما نشوفش النموذج ده في مدارس مصر كلها ؟

لفيت وشوفت لكن ماشوفتش التزام زي ما شوفت في مدرسة
El Shehab Language Schools

من اول موظف الأمن المحترم مروراً بالأستقبال الشيك والمدرسين والمدرسات لحد ما توصل للتلاميذ والطلاب ..

اللي لفت انتباهي مبادرة #نقدر اللي اتمني انها تعمم في باقي مدارس مصر .. مبادرة بيعلموا فيها الأخلاق والقيم وسط كم القُبح اللي بنشوفه ..

في النهاية عايز اشكر الراجل المحترم
م : مدحت شهاب ( رئيس مجلس إدارة المدرسة )
وكل من ساهم وشارك في هذا الحفل الجميل ..

عرض خاص لمده أسبوع ، بعده يزيد الإشتراك 50ج


كالعادة في كل أجازة منقدرش نفوتها من غير كامبات مفيدة ومؤثرة في شخصية الاولاد بنجتهد تكون باهداف وورش يتعلموا حاجات جديدة و مفيدة ويجربوا و يزوروا أماكن و يكتسبوا خبرات مش هيلاقوها في البيت ولا نشاط النادي ، تفرق معاهم في تكوين شخصيتهم
لذلك هننطلق لكامب لطيف ومميز وبنستمتع فيه باستمرار في

Smart Camp

حجز خاص لرحلتنا فقط

حاجة مبتتكررش كتير و ذكريات عمرها ما تتمحي في عمرهم

زي ما عودناهم في كامباتنا السابقة
مغامرة جديدة و مختلفة
ودا كله طبعا داخل قالب تربوي

للبنين من 8 : 16 سنة
الخميس 11 يوليو حتى الجمعة 12

البرنامج يشمل :*

دورة إسعافات أولية ( للكسور – الجروح )
جلسة سمر camp fire
حرب الألوان
ألعاب ذكاءات متعددة
ركوب خيل
حمام سباحة
مهرجان ألوان
فقرة علمية
ألعاب مائية
ورش تدريبية ( تحديد الهدف والاولويات - الصدقة )
أرض مغامرات عيش سفاري
بينج بونج ، بلياردو ، بيبي فوت - إير هوكي
و غيرها من الفقرات و. المفاجآت .... ..

تخفيض 50ج للأخ الثاني فأكثر، تخفيض 50ج للأصحاب بداية من 3️⃣

المبيت تحت النجوم في سمارت كامب بجمعية عرابي

لمعرفة التفاصيل اترك تعليق
أو اترك رقمك في رسالة للتواصل

في أغلب الأحيان.. هو ده الحل

مش هنقدر نغيّر الناس اللي حوالينا!

نقدر نغيّر المتوقع منهم.. ونقلله

نقدر نغيّر الوقت والجهد الكتير المبذول في اللا شيء معاهم.. ونقلله

نقدر نحوّل تركيزنا عنهم ونركز علي حاجة تانية أفيد، آه مش هنبطّل تركيز معاهم بس.. هنقلله

نقدر نمارس سياسة التقبّل وخُد صاحبك علي عيبه، آه ده مش هيخفي العيب لكن هيقلله

الناس اللي حوالينا مش حتة صلصال بنحاول نشكّل فيها زي ما إحنا عايزين ومحتاجين.. دول بني آدمين

حتي لو في ناس حوالينا إتغيروا للأحسن، فالتغيير ده حصل علشان هم مستعدين ليه.. وبيتغيروا زي ما هم عايزين ومحتاجين، مش التغيير اللي أنا بلزمهم بيه!

عارفة إنها حقيقة مُرة، لكن مافيش غيرها

( إنك لا تهدي من أحببت ولكن الله يهدي من يشاء )

وإن كان لازم تغيير.. فتطويع وتغيير نفسك أولى

ربنا يجعلني وإياكم من المهتدين ❤

المغرب الساعة 8 ..
النهار طويل ..
الجو حر جدا..
مش قادر أشتغل من غير ما أشرب قهوة الصبح..

كل دي حاجات عاملة حواجز بيننا وبين الصيام.. هي حاجات حقيقية لكن مش مستحيل إننا نصوم بسببها..

بكرة الجمعة هتبدأ أحب الأيام إلى الله، والأعمال الصالحة أجرها أعظم من أي وقت تاني..

تيجي نثبت لربنا إننا نقدر نصوم ونتعب عشانه سبحانه وتعالى مهما كانت الظروف؟ أنا مستعد أتعب عشان أنت ترضى عني يا رب!
في ناس هتكون الأيام الجاية في الحج وهم في مشقة أكبر بكتير من أي حد تاني، بذلوا من وقتهم ومجهودهم وفلوسهم وتركوا بلادهم وجايين بس عشان حبهم لربنا فوق أي حاجة.. وبيقولوا لربنا لبيك اللهم لبيك..
لو أنت مش من الحجاج السنة دي، فعلى الأقل اجتهد واثبت لربنا إنه أكبر حاجة في قلبك وإنك مستعد تضحي وتجاهد وتبذل عشانه..لعله يرى منك الصدق فيكتبك من حجاج بيته السنة الجاية إن شاء الله..

يعني الناس في الحج بتصبر على كل المشقة دي واحنا مش هنقدر نصبر على كام ساعة صيام عشان ربنا سبحانه وتعالى؟

نحاول بقى نصوم الأيام الجاية على قد ما نقدر ونفكر كل الناس اللي حوالينا ونشجعهم..
الصيام ثقيل على النفس في الأيام دي ، لكن بإذن الله هيكون ثقيل كمان في ميزانك يوم القيامة..والله يضاعف لمن يشاء.

تعالى اعرفك ده ايه
ده كرتونه مؤسسة مرسال - Mersal Foundation الى شغالين ف تعبئتها لاهلنا الى بنحضرها للقافله التاسعه

كرتونه وزنها ٢٥ كيلو فيها من خيرات ربنا ١٩ صنف مختلفين
اصناف من اجود الشركات ومش مقاطعه
اكبر كرتونه غذائيه ممكن تشوفها بيتحط فيها 44 عبوه غذائيه

عارف ده بتحتاج كام فرد على خط الانتاج ؟
15 فرد تقريبا على الخط الواحد
وكل ساعه بيتغير منه ٣ تقريبا يعنى الخط الواحد بيحتاج
45 متطوع خلال اليوم غير تقفيل الكراتين والاسترييتش

بنحتاج خلال اليوم للخطين 130 متطوع

عارف احنا بنشغل كام خط ؟
مشغلين خطين واحتمال نشغل الثالث لو عدد المتطوعين زاد

وعارف بنشتغل كام ساعه علشان نقدر نحضر اكبر عدد من الكراتين لكل قافله ؟
من 11 ص ل 11 م يعنى 12 ساعه تقدر تيجى تشارك معانا في اى وقت فيهم

احنا الحمد لله خلصنا اول 6 الاف كرتونه ولسه المشوار طويل وفى فرصه انك تشارك
ف الى عنده اى وقت فاضى فيه ويقدر يجى يشارك ويساعد معانا ينور احنا شغالين طول الاسبوع ان شاء الله

والى عايز يتابع مواعدنا يبعتلى رقمه هضيفه ف جروب الواتس
العنوان : زهراء المعادى - بيتشو - بجوار مرور المعادى
اللوكيشن : https://maps.app.goo.gl/4NR4EU28CfwjXLRx6

- أحمد جبريل

أحياناً إجابة ربنا لدعواتنا بتكون عن طريق التعلم.. مش مجرد إجابة سريعة للدعوة وخلاص
يعني مثلاً تخيل معايا كده ولد كل ما ييجي يحل مسألة يروح باباه يقوله متتعبش نفسك أنا بحبك وهحلهالك وفضل كده لحد ما الولد دخل الأمتحان ومعرفش يحل المسألة هل كده الأب فعلاً بيحبة؟

نفس الفكرة في علاقتنا بربنا، أحياناً تدعي حاجة انت متعلمتش تعملها والدعوة كده كده أُستجيبت أصلاً، مش باقي غير إنك تتعلم الطريقة فمهاراتك تزيد ووعيك ونضجك يعلى بس الفكرة إننا مش كتير بنقدر نشوف رحمة ربنا في إنه بيعلمنا وبنعتبر مرحلة الإعداد والتطوير دي تأخير في إجابة الدعوة أو عدم استجابة ليها في حين ان احنا اللي أحياناً بنكون مش عاوزين نتعلم وليس ربنا هو اللي مستجابش.

هو سبحانة يحب أن يستجيب لنا.
ايه اللي هيخلي الكريم صاحب الفضل يأخر عنك حاجة اصلاً؟!
ولله المثل الأعلى، ليس كمثله شئ.
"وَإِذَا سَأَلَكَ عِبَادِي عَنِّي فَإِنِّي قَرِيبٌ ۖ أُجِيبُ دَعْوَةَ الدَّاعِ إِذَا دَعَانِ ۖ فَلْيَسْتَجِيبُوا لِي وَلْيُؤْمِنُوا بِي لَعَلَّهُمْ يَرْشُدُونَ"
منقول

لسه عارف ( و ده بسبب تقصير كبير مني ) ان مؤسسة مرسال - Mersal Foundation
مبتعملش اي إعلانات عشان تجمع تبرعات عشان تقدر توفر كل جنيه للمحتاج الحقيقي فقررت فورا انزل عنهم بوست و اطلب من كل الناس تنشر عنهم لان ده هيبقى دورنا احنا و اقل مساعدة نقدر نقدمها
طبعا ده غير اننا نوجه تبرعاتنا ليهم قدر المستطاع
كامل الإحترام و التقدير لإدارة المؤسسة
ربنا يجعله في ميزان حسناتكم
——————-
بيانات حساباتهم و طرق التبرع من صفحتهم الرسمية

1-لطلب مندوب كلمنا على 19340 أو 01200002870.

2-تحويل بنكي
-بنك CIB
الجنيه :- 100034654454
الدولار :-100034654357
اليورو :-100034654397
-الإمارات دبي الوطني
الجنيه:-1019409332701
الدولار:-1029409332702
اليورو:- 1029409332703
-البنك العربي الأفريقي
الجنيه: 1015996610010201
الدولار:1015996610010101
اليورو:1015996610010301
-بنك QNB
الجنيه:- 68-20311817142-735
الدولار:- 82-20312010316-735
اليورو :- 68-20312010318-735
-بنك مصر
الجنيه:- 5450001000003297
الدولار:- 5450120000000214
اليورو:- 5450130000000084
-البنك الأهلي المصري
الجنيه:- 1953071376769426268

3-عن طريق فوري بكود رقم 9200 (اتصالات كاش ، أورانج كاش، محافظ البنوك من خلال فوري)
أو محفظة فودافون كاش (من خلال ميجا خير) أو من خلال تطبيق Instapay.
أو عن طريق (بساطه، ضامن، الأهلي ممكن، Opay، أمان) باسم المؤسسة فقط.

4-ابعت رسالة بـ5 جنيه على رقم 9599 بكلمة Mersal أو مرسال.

5-أو التبرع في فروع مرسال( المعادي، التجمع الخامس، مدينة نصر، زايد، الدقي، الإسكندرية، سوهاج، بنده ماركت ( فرع أول مكرم ، أكتوبر، العبور)، مطعم حجوجة، لولو هايبر ماركت (فرع التجمع)، ساقية الصاوي

التلاتيني الي بيقبض اقل من نص مليون جنيه في السنة .. ناجح ولا ظلم نفسه ؟؟

مر على النبيِّ صلَّى اللهُ عليهِ وسلَّمَ رجلٌ فرأى أصحابُ النبيِّ صلَّى اللهُ عليهِ وسلَّمَ من جلَدِه ونشاطِه فقالوا: يا رسولَ اللهِ لو كان هذا في سبيلِ اللهِ؟!

فقال رسولُ اللهِ صلَّى اللهُ عليهِ وسلَّمَ: إنْ كان خرج يسعى على ولدِه صغارًا فهو في سبيلِ اللهِ وإن كان خرج يسعى على أبوين شيخين كبيرين فهو في سبيلِ اللهِ وإنْ كان خرج يسعى على نفسِه يعفُّها فهو في سبيلِ اللهِ وإنْ كان خرج يسعى رياءً ومفاخرةً فهو في سبيلِ الشيطانِ.

النبي صلى الله عليه وسلم .. سمى الشخص الي بيسعى عشان يعف نفسه وميشحتش من الناس .. يعني يا دوب مكفي نفسه .. سماه النبي مجاهد في سبيل الله .. مقالش انه ظلم نفسه وكان المفروض يكون غني !!

لازم نراعي ظروف الناس وامكانياتهم .. ولازم نراعي نفسياتهم واحنا بنتكلم عنهم

كام حد ظروفه الجسمانيه او العقلية او النفسية او حتى ظروف اسرته متسمحش انه يجيب دخل كبير .. دول اقولهم ايه؟ بدل ما اقولهم نحمد ربنا ونشتغل على نفسنا ونطورها على قد ما نقدر .. نقولهم انتوا ظلمتوا نفسكم !!

اعرف ناس حياتها واقفة حرفيا عشان بيخدم اب او ام كبير في السن مع انه يقدر يحقق ١٠ اضعاف دخله الحالي .. دول احساسهم ايه لما يقروا الكلام ده؟

الكلمة الي دايما بقولها ..
سعيك المستمر للتطوير .. نجاح
انك نسخة أفضل من نفسك .. نجاح
انك مكمل على طريق النجاح في حد ذاته نجاح

#دروس_اتعلمتها
Ahmed Khalifa